रिटर्नी सेन्टरमा इन्चार्जलाई स्वागत

काठमाडौं – बैदेशिक रोजगारबाट फर्किएका रिटर्नीहरुले आफ्नो फ्र्याक्सन इन्चार्ज लक्ष्मण पन्तलाई सेन्टरको कार्यालयमा स्वागत गरेका छन्।

रिटर्नी सेन्टर नेपालको कोटेश्वरमा रहेको कार्यलयमा पन्तलाई बिहिबार बिहान ११ बजे स्वागत गरेका हुन्।

स्वागत ग्रहण गर्दै पन्तले बैदेशिक रोजगारीमा रहंदा प्राप्त गरेको ज्ञान,सीप र पुजीलाई राज्यले अपनत्व लिनुपर्ने बताए। पन्तले भने – विभिन्न कारणले बैदेशिक रोजगारीमा गएका नेपाली युवाहरुको ज्ञान र सीपलाई देश बिकासको अभियानमा लगाउनुपर्छ। ‘

रिटर्नी सेन्टरलाई राजनैतिक जनसंगठन भन्दा पनि सृजनशील आन्दोलनको रुपमा अघि बढाउनुपर्ने पन्तको भनाइ थियो। पन्तले भने -‘रिटर्नीहरुले प्राप्त गरेको श्रम ,सीप , पुजीलाई बहुआयामिक महत्वका रुपमा समाज र राज्यले बुझ्नुपर्दछ। ‘

प्रधानमन्त्री पुष्पकमल दाहाल ‘प्रचण्ड’को सरकार भ्रष्टाचारको अन्त्य गर्ने, सुशासन र समृद्धि स्थापनाको अभियानमा लागिरहेकाले सबै नेपाली जनताले साथ दिनुपर्ने इन्चार्ज पन्तको जोड थियो। यस अघि समग्र देशको बिकास र जनताको समृद्धिका लागि भन्दा पनि कमिशनका आधारमा आयोजना छनौट गरिने गरेको पनि पन्तले खुलासा गरे।

सेन्टरका संयोजक देवेन्द्र सम्बाहाम्फेको अध्यक्षतामा भएको स्वागत कार्यक्रममा रमेश पण्डित तुफान,काजी खड्का,राम सन्जेल,धनधोज मल्ल , बिष्णु तुम्बापे ,रमेश खावाजु ,बिशाल भण्डारी , उमेश घले , बिजय लामा लगायतले मन्तब्य दिएका थिए।

कार्यक्रमको संचालन भने सेन्टरका सह संयोजक तथा गण्डकी इन्चार्ज राम चन्द्र अधिकारी क्षेत्रीले गरेका थिए।