अब मत खसालेर नेतृत्व चुन्ने अभ्यास प्रारम्भ हुने – उपमहासचिव जनार्दन शर्मा

-रमेश खावाजु, भक्तपुर –

नेकपा माओवादी केन्द्रका उपमहासचिव एवं बागमती प्रदेश इन्चार्ज जनार्दन शर्माले पार्टीमा अब मत खसालेर नेतृत्व चुन्ने अभ्यास प्रारम्भ हुने बताए l

शनिबार थिमि ब्याङ्क्वेटमा वाइसियल नेपालको मथ्यपुर थिमिको दोश्रो नगर सम्मेलनलाई सम्बोधन गर्नु हुदै शर्माले भने ” मूल्यांकन माथिका नेताले होइन अब तलकाले नेता चुन्ने विधि बसालिन्छ l सबैलाई चुनावमा उठ्न अवसर प्राप्त हुनेछ । अत्यधिक मत ल्याउने क्रमागत उम्मेदवारहरु निर्वाचित हुनेछन् l

नेता शर्माले बिपक्षी पार्टीहरुले सामाजिक संजाल मार्फत माओबादीका राम्रा कामहरुलाई लुकाई गलत ब्याख्या गर्दै माओबादी बिरुद्ध जनतामाझ भ्रम फैलाईरहेको बताए l उहालें युवाहरुलाई सामजिक संजाल मार्फत पार्टि र सरकारले गरेका राम्रा र सकारात्मक कामहरुको प्रचार गर्न निर्देशन दिनुभयो।

सम्मेलनमा नेकपा(माओवादी केन्द्र) का केन्द्रीय सदस्य एवं भक्तपुर जिल्ला इन्चार्ज दिलिप प्रजापति भिष्म, मुख्यमन्त्रीका प्रमुख राजनीतिक सल्लाहकार तथा केन्द्रीय सदस्य डिपी ढकाल त्यसैगरी केन्द्रीय सदस्यद्वय प्रतिमा श्रेष्ठ र इन्दिरा अधिकारी एवं प्रदेश सभा सदस्य भुवनकेशरी श्रेष्ठ र जिल्ला संयोजक सुनिल गोठे “बासु ” , मध्यपुर थिमि नगरपालिकाका उपप्रमुख तथा पार्टिका नगर अध्यक्ष बिजय कृष्ण श्रेष्ठले समसामयिक राजनीतिक प्रशिक्षण प्रदान गरेका बताए ।

शनिवार सम्पन्न वाइसिएलको दोश्रो मध्यपुर थिमि नगर सम्मेलनबाट सजन प्रजापतिको अध्यक्षतामा पैतालिस सदस्यीय कार्यसमिति निर्वाचित भएको वाइसिएलको केन्द्रिय सदस्य तथा भक्तपुर जिल्ला इन्चार्ज नरेश रन्जितले जानकारी गराए। इन्चार्ज नरेश रन्जितले सो सम्मेलनमा  वाइसिएलका बागमती प्रदेश इन्चार्ज, केन्द्रीय सचिव दिनेश थपलिया आक्रोश, केन्द्रीय सदस्यहरु गोमा आले, राजु कुटु, बेदप्रसाद खरेल , जिल्ला अध्यक्ष सरराज उप्रेती लगायत प्रदेश र जिल्लाका नेताहरु समेतको आतिथ्यता रहेको बताए l