यहाँहरुको साथ र सदभावले देशप्रति थप जिम्मेवार हुन प्रेरित गरेको छ : प्रचण्ड

काठमाडौं- बालुवाटारमा आज विहान आयोजित श्रद्धाञ्जली सभामा प्रधानमन्त्री पुष्पकमल दाहाल ‘प्रचण्ड’ पत्नी सीता दाहालको श्रद्धाञ्जली सभामा भावुक भएका छन् । उनले श्रद्धाञ्जली सभामा संक्षिप्त सम्बोधन गर्दै बाँच्दासम्मपनि सीताले अरुलाई पीडा नदिएको भन्दै मृत्यु पनि निकै शान्त रोजेको उल्लेख गरेका छन् ।

उनले भने, “बाँच्दासम्म अरुलाई पीडा दिन नजानेकी सीताले मृत्यु पनि निकै शान्त रोजिन् । सीता बिरामी परेपछि राज्यबाट कुनै सुविधा नलिई उपलब्ध र लाभदायी हुन सक्ने सबैखाले पद्दतीबाट उपचारको प्रयास भएको थिय।”

प्रधानमन्त्रीले थप भने, “शोकको यो घडीमा यहाँहरुको साथ, समवेदना र सदभावले हामीलाई पीडाबाट निस्कनमात्र मद्दत गरेको छैन, बरु देश र समाजप्रति थप जिम्मेवार हुन प्रेरित गरिरहेको महसुस गरेका छौं, मैले र हाम्रो परिवारले ।”

प्रधानमन्त्री निवास बालुवाटारमा आयोजित उक्त श्रद्धाञ्जली सभामा विभिन्न दलका नेताहरु, नेपालस्थित् विभिन्न देशका नियोग प्रमुखहरुको उपस्थिति रहेको थियो ।