मिटरब्याज सम्बन्धी विधेयक नल्याए सदन चल्न नदिने रवि लामिछानेको चेतावनी

काठमाडौं- शुक्रबार बसेको प्रतिनिधिसभाको बैठकमा राष्ट्रिय स्वतन्त्र पार्टीका सभापति रवि लामिछानेले मिटरब्याज सम्बन्धी विधेयक कार्यसूचीमा नराखिए सदन चल्न नदिने बताएका छन् । बैठकमा मिटरब्याज सम्बन्धी विधेयक कार्यसूचीबाट हटेपछि उनले आपत्ति जनाउँदै आफूहरु पीडितको पक्षमा रहेको भन्दै विधेयक तत्काल अघि नबढाए बैठक चल्न नदिने चेतावनी दिएका छन् ।

उनले भने, “आज कार्यसूचीमा मिटरब्याज पीडितहरुको विषय किन आएन? मिटरब्याज सम्बन्धी विधेयक कसका कारण रोकियो ? कसको स्वार्थले यसरी विधेयक ल्याइएन? आगामी बैठकमा मिटरब्याज सम्बन्धी विधेयक राखिएन भने राष्ट्रिय स्वतन्त्र पार्टी सदन चल्न नदिने पक्षमा उभिने छ । जनतालाई रुवाएर त्यसबारे मौन बसेर सदन चल्न सक्दैन।”

अर्को बैठकमा मिटरब्याज सम्बन्धी कार्यसूचीमा राखिएन भने सदन चल्न नदिने पक्षमा रहने बताएका छन् ।