पाँचथर माओबादीमा जिम्मेवारी हेरफेर

काठमाडौं – नेकपा (माओबादी केन्द्र) कोशी प्रदेश समितिले पाँचथर जिल्लाको पार्टी नेतृत्वमा हेरफेर गरेको छ ।

सो पार्टीले विभिन्न तहमा जिम्मेवारी तोक्ने निर्णय पार्टी सुदृढीकरणका क्रममा भैरहेको प्रदेश स्तरिय प्रशिक्षण बैठकले गरेको प्रदेश कमिटीले जनाएको छ ।

चैत्र ८ गतेको निर्णय अनुसार पाँचथर जिल्लाको ईञ्चार्जमा केन्द्रीय सदस्य,पूर्व संबिधान सभा र प्रदेश सभा सदस्य क.सीता थेबे “प्रमिला” लाई जिम्मेवारी दिईएको छ भने जिल्ला संयोजक क.होमबहादुर जबेगु(सूर्यमान), राष्ट्रिय भूमि आयोगका अध्यक्ष क.दिनेश लावती र प्रदेश कमिटी सदस्य क.अमरसिहं थापालाई सह-ईञ्चार्जको जिम्मेवारीमा मनोनयन गरिएको छ ।

यसैगरी जिल्ला समन्वय समिति संयोजकको जिम्मा क.विशाल रसाइली पाएका छन भने सचिबमा क.देबेन्द्र खत्रीलाई तोकिएको छ !

सोही बैठकले क. विमला नेम्बाङ,क. योगेस याेङया, क. महेन्द्र सुहाङ र क. प्रेम सुहाङलाई जिल्ला समन्वय समितिको सदस्यमा मनोनित गरेको र ८ वटै पालिकामा जिल्ला सदस्यहरुलाई इन्चार्ज,सह-इन्चार्जको जिम्मेवारी दिने निर्णय भएको थाहा भएको छ ।