पाँचथरमा जनयुध्द दिवस

पाँचथर-पाँचथरमा जनयुध्द दिवस मनाईने!पाँचथरमा जनयुध्दको उदगम स्थल याङ्नामको चरि भञ्ज्याङमा २८ अैां जनयुध्द दिवस भब्यताका साथ मनाईने सो पार्टीको याङवरक गाउँ कमिटीले जनाएको छ ।

याङनाम सामरिक महत्वको स्थानका रुपमा मानिन्छ र यही स्थानबाट नै जनयुध्द कालमा जिल्ला पार्टीको कार्यालय र जनमुक्ति सेनाको हेडक्वाटर सञ्चालन हुने गरेको बताईन्छ ।

जनयुध्दको समयमा याङनामकै आकासेमा प्रथम पाँचथर जिल्ला जनसरकार गठन एवं माओबादीको ऐतिहासिक खुल्ला सभा आयोजना भएको थियो !

नेकपा माओबादी केन्द्रको गाउँ कमिटीबाट जनकारी अनुसार जनयुध्द दिवसको अबसरमा फाल्गुण १ गते हुने कार्यक्रममा पार्टीका पोलिट ब्युरो सदस्य तथा पूर्व प्रदेश सरकारका आर्थिक मामिला तथा योजना मन्त्री ईन्द्र आङ्वो ‘मौसम’,केन्द्रीय सदस्य तथा पूर्व प्रदेश सभा सदस्य सीता थेवे ‘प्रमिला’ ,१ नं. प्रदेश अध्यक्ष क.हर्क नेम्वाङ ‘मिक्सो’ र जिल्ला अध्यक्ष होम जवेगु ‘सुर्यमान’ लगायतका नेताहरुको आतिथ्यता र सहभागिता रहने छ ।

जनयुध्दका सहिद परिवार,घाईते योध्दा तथा बेपत्ता परिवारको सम्मान समेत गरिने सो कार्यक्रमलाई भव्यता साथ सफल पार्न जिल्लाभरिबाट सहभागिताका लागि नेपाल कम्युनिष्ट पार्टी माओबादी केन्द्रको याङवरक गाउँ पार्टी कमिटीले सार्वजनिक आव्हान समेत गरेको छ !