पाँचथरे उम्मेदवार जिताउन एकै ठाउंमा

काठमाडौं-पाँचथरका लोकतान्त्रिक बाम गठबन्धका उम्मेदवार जिताउन आज नेपाली कांग्रेस सम्पर्क समिति,नेकपा (माओबादी केन्द्र) सम्पर्क समन्वय समिति र नेकपा(एकीकृत समाजबादी) सम्पर्क मञ्चका पदाधिकारीहरुको संयुक्त भेला बसेको छ।

पेरिसडाँडा स्थित नेपाली कांग्रेसका .कार्यकर्ता सुर्यकुमार दहालको पेरिस होटलमा सम्पन्न भएको बैठकले एकजुट भएर गठबन्धका उम्मेदवार लाई जसरि भए पनि जिताउने निर्णय गरेको छ।

भेलामा तीनै दलका नेताहरुले सम्बोधन गरि आफ्नो बिचार राख्नु भएको थियो ! भेलाले असोज ३१ गते २.३० बजे पदाधिकारी सहितका प्रतिनिधिहरुको बैठक गर्ने र निर्वाचन परिचालन समिति र अन्य उपसमितिहरु गठन गरि निर्वाचन अभियानलाई सशक्त ढंगले अघि बढाउने निर्णय गर्यो।

नेता सूर्यकुमार दाहालले निर्वाचनसम्मका लागि नि:शुल्क उपलब्ध गराउनु भएको पेरिस होटलमा आजैबाट सम्पर्क कार्यालय स्थापना गर्ने निर्णय समेत भेलाले गरेको छ।