जसपामा प्रवेशको लहर

काठमाडौं- जनता समाजवादी पार्टीमा विभिन्न दलका कार्यकर्ता प्रवेश गरेका छन्।

राष्ट्रिय प्रजातन्त्र पार्टीका केन्द्रीय सदस्यद्वय गीता शाही र कविता प्रधान बैद्य, लोकतान्त्रिक समाजवादी पार्टीकी शारदा थापा मगर र नेपाली काङ्ग्रेसकी जयादेवी देसार डंगोल लगायतका नेता कार्यकर्ताहरु जनता समाजवादी पार्टी, नेपाल प्रवेश गरेका हुन् ।

बुधबार पार्टीको बागमती प्रदेश समिति घोषणा कार्यक्रममा अध्यक्ष उपेन्द्र यादवले नवप्रवेशीहरुलाई खादा ओढाएर पार्टी प्रवेश गराएको पार्टीका केन्द्रीय प्रचार विभाग प्रमुख पूर्णबहादुर बस्नेतले बताए ।

पार्टीमा उत्पीडित समुदायको नेतृत्व र संघीयता, सुशासन, समृद्धि र समाजवादको २१ औँ सताब्दी सुहाउँदो अग्रगामी विचार र सिद्धान्तबाट प्रेरित भएर पार्टी प्रवेश गरेको नवप्रवेशीहरुले बताए ।