पुष्पा भुसाल प्रतिनिधिसभाको उपसभामुखमा विजयी

काठमाडौँ- नेपाली काँग्रेसकी सांसद पुष्पा भुषाल गौतम प्रतिनिधि सभाको उपसभामुखमा निर्वाचित भएकी छिन् । उपसभामुख चयनका लागि संसद्‌मा शुक्रबार भएको मतदानमा एमालेबाट उम्मेदवार रहेकी विद्या भट्टराईलाई पराजित गर्दै नेपाली कांग्रेसकी पुष्पा भुसाल विजयी भएकी हुन् ।

सभामुख सापकोटाका अनुसार भुसालले १४८ मत पाउँदा विपक्षी उम्मेदवार भट्टराईले ९३ मत पाएको तथा मत दिन्नँ अर्थात् तटस्थमा १ मत परेको थियो ।

भुसालको उम्मेदवारीको प्रस्तावक माओवादी केन्द्रका प्रमुख सचेतक देव गुरुङ रहेका थिए भने समर्थकमा एकीकृत समाजवादीकी सांसद लक्ष्मी चौधरी रहेकी थिइन् । भुसाल सत्ता गठबन्धन दलबाट उम्मेदवार बनेकी हुन भने भट्टराई विपक्षी दलबाट उम्मेदवार बनेकी हुन् ।