कञ्चनपुर जिससमा काँग्रेसको प्यानल निर्विरोध

कञ्चनपुर- जिल्ला समन्वय समिति कञ्चनपुरको प्रमुखमा नेपाली काँग्रेसका दुर्गादत्त बोहरा निर्विरोध चयन भएका छन् । जिसस प्रमुखमा काँग्रेसको मात्र उम्मेदवारी परेको थियो ।

जिसस उपप्रमुखमा काँग्रेसकै रामकुमारी राना निर्विरोध चयन भएका छन् । जिसस सदस्यहरूमा मोहन महता, रामसिंह भण्डारी, जयसिंह विष्ट, लिला चौधरी, चन्द्रावती थापा, विमलाकुमारी सार्की र अन्जुदेवी राना निर्विरोध निर्वाचित भएको मुख्य निर्वाचन अधिकृतको कार्यालयले जनाएको छ ।

जिससमा अन्य दलले उम्मेदवारी दिएका थिएनन् ।