माओवादी केन्द्रको पूर्व स्थायी समिति बैठक बस्दै

काठमाडौँ- अध्यक्ष पुष्पकमल दाहाल प्रचण्ड निवास खुमलटारमा नेकपा माओवादी केन्द्रको पूर्व स्थायी समिति सदस्यको बैठक बस्दै छ ।

पार्टी केन्द्रीय कार्यालय सचिव श्रीराम ढकालका अनुसार बैठक बिहान साढे ८ बजे बस्ने कार्यक्रम रहेको छ । उनले बैठकमा स्थानीय तह निर्वाचनको समीक्षा, पार्टी पदाधिकारीलाई पूर्णतालगायत एजेन्डाबारे छलफल हुने पनि जानकारी दिएका छन् ।

पूर्व स्थायी समिति सदस्यहरूको बैठक यसअघि शनिबार दिउँसो ३ बजेका लागि बोलाएको थियो । तर, तयारी पर्याप्त नभएको भन्दै स्थगित गरिएको थियो। स्थानीय निर्वाचन सकिएपछि माओवादी केन्द्रले बोलाएको यो पहिलो बैठक हो ।

निर्वाचनमा तालमेल महानगर र उपमहानगरमा सन्तोषजनक भए पनि धेरै नगर र गाउँपालिका तहमा भने गठबन्धन दलहरूबीच नै प्रतिस्पर्धा भएको अध्यक्ष प्रचण्डले बताउँदै आएका छन् ।