प्रधानमन्त्री देउवाका भाइ प्रेमबहादुरको निधन

काठमाडौँ- प्रधानमन्त्री तथा नेपाली काँग्रेसका सभापति शेरबहादुर देउवाको भाइ प्रेमबहादुर देउवाको निधन भएको छ ।

प्रधानमन्त्रीका प्रेस सल्लाहकारमा गोविन्द परियारका अनुसार आज मंगलबार बिहान वीर अस्पतालमा प्रेमबहादुरको उपचारको क्रममा निधन भएको हो ।

विगत एक वर्षदेखि बिमारी रहेका प्रेमबहादुरको शवलाई आजै पशुपति आर्यघाटमा अन्त्येष्टि गरिने कार्यक्रममा रहेको छ ।