गौतम बुद्धले नेपाल र भारतलाई आपसमा जोडेका छन् : प्रधानमन्त्री देउवा

बुटवल- आज बुद्ध जयन्तीका अवसरमा लुम्बिनीमा आयोजित कार्यक्रममा सम्बोधन गर्दैगौतम बुद्धले नेपाल र भारतलाई भावनात्मकरूपमा आपसमा जोडेको प्रधानमन्त्री शेरबहादुर देउवाले बताएका छन् ।

उनले भने, “दुवै देशका नागरिकका लागि गौतम बुद्ध उत्तिक्कै श्रदय हुनुहुन्छ । उहाँको अमूल्य दर्शन र शिक्षाले दुवै देशका नागरिकलाई नजिकबाट प्रभावित पारेको छ । गौतम बुद्धले दिएका चार उपदेशले मानव जीवनलाई पापबाट मुक्ति दिलाइरहेको छ।”

उनले थप भने, “जीवनलाई रोग, शोक र दुःखबाट माथि उठाउनका लागि शान्ति स्थापना बुद्धका शिक्षा आज पनि विगतकै जत्तिको सान्दर्भिक छन् । आज विश्वका विभिन्न ठाउँमा मानवजातिले हिंसा, इर्ष्याको र युद्धको सामना गरिरहनुपरेको छ। यस्तो परिप्रेक्षमा भगवान बुद्धका उपदेश सान्दर्भिक र मनयोग्य बन्न पुगेका छन्।”