कुम्मायकमा गठबन्धनको उम्मेदवार घोषणा

पाँचथर -आगामी बैशाख ३० गते हुने स्थानीय निर्वाचनका लागि जिल्लाको कुम्मायक गाउँपालिकामा गठबन्धन दलले उम्मेदवार घोषणा गरेका छ। शनिबार बसेको चार दलको बैठकले उम्मेदवारको टुंगो लगाएको हो।

निर्णय अनुसार अध्यक्षमा नेपाली कांग्रेसका बमप्रसाद लावती र उपाध्यक्षमा नेकपा माओबादी केन्द्रका महेन्द्रबहादुर खड्का ‘अनुराग’ ले उम्मेदवारी दिने समझदारी बनेको हो।

वडाध्यक्षहरुमा वार्ड न १ अध्यक्ष देवेन्द्रकुमार लावती जनता समाजबादी पार्टी , वार्ड न २ अध्यक्ष बालकृष्ण शेर्मा नेकपा एस,वार्ड न ३ अध्यक्ष नरेन्द्रबहादुर कार्की नेपाली कांग्रेस,वार्ड न ४ अध्यक्ष सूर्यदिप सम्बाहाम्फे जनता समाजबादी पार्टी र वार्ड न ५ अध्यक्ष मनोजकुमार बोहोरा स्वतन्त्र रहेका छन्

वार्ड न ५ का स्वतन्त्र उम्मेदवार बोहोराले माओबादि केन्द्रको चुनाव चिन्ह हँसिया हथौडा प्रयोग गर्ने सहमति बनेको छ।

सो गाउपालिकामा राप्रपाको मत समेत रहेकाले वडा सदस्यमा मिलाउने गरि गठबन्धन दलका प्रतिनीधिहरुले वार्ता गरिरहेका छन्।

गठबन्धनका उम्मेदवारले सोमबार निर्वाचन आयोग समक्ष मनोनयन पेश गर्ने योजना बनाएका छन्।