एमाले कार्यकर्तालाई भोजपुरमा मोसो दली कुटपिट गर्न माओवादी केन्द्रको उर्दी, एमालेद्धारा र्भत्सना

नेपाल कम्युनिष्ट पार्टी (माओवादी केन्द्र) ले खुलेआम आफनो कार्यकर्तालाई एमालेको नेता कार्यकर्तालाई मोसो लगाउन ठाडो निर्देशन दिएको छ । नेपाल कम्युनिष्ट पार्टी (माओवादी केन्द्र) अरुण गा.पा.२ चम्पेले आयोजना गरको प्रथम वडा अधिवेशनमा यस्तो निर्देशन दिएको हो ।

कार्यक्रमका प्रमुख अतिथि सङ्घीय संसद (प्रतिनिधि सभा) सदस्य माननीय सुदन किरातीले आफनो भनाइ राख्ने क्रममा एमालेका नेता, कार्यकर्तालाई मोसो दल्न, जुत्ताको माला लगाउन, कुटपिट गर्न आफनो कार्यकर्तालाई निर्देशन दिएको र त्यसको सम्पूर्ण जिम्मा आफूले लिने भनि दिएको अभिव्यक्ति प्रति नेपाल कम्युनिष्ट पार्टी (एमाले) अरुण गाउँपालिकाले घोर र्भत्सना गरेको छ । एक विज्ञप्ति जारी गर्दै (एमाले) अरुण गाउँपालिकाले आफना नेता कार्यकर्तामाथि यसरी जिम्मेवार जनताको प्रतिनिधिबाट निकृष्ट शब्दावली प्रयोग गरेको भन्दैे गाउँ पार्टी कमिटीले घोर र्भत्सना गरेको हो ।
(माओवादी केन्द्र) को भोजपुर जिल्ला ईञ्चार्जले यस प्रकारको व्यवहार र शैली सार्वजनिक मञ्च तथा समारोहबाट दिनुमा स्वयं अभिव्यक्ति दिने नेताको बुझाई र बौद्धिकतालाई समेत गिज्याइरहेको आभास अरुणबासी जनताले समेत गरिरहेको विज्ञप्तिमा उल्लेख छ ।
साथै विज्ञप्तिमा नाङ्लो ठट्टाएर हात्ति तर्साउने दुस्साहस नगर्न र उक्त सार्वजनिक मञ्चबाट अभिव्यक्त गरिएको भनाईलाई सार्वजनिक रुपमा माफी माग्न, सार्वजनिक रुपमै सच्याउन हाम्रो पार्टीले आग्रह गरेको छ । राजनीतिक संस्कार नभुल्न र संयमता नगुमाउन सम्बन्धित पक्षलाई अपिल गर्दैं नेकपा (एमाले) हातमा दही जमाएर नबस्ने सचिव सुबास मगर र अध्यक्ष नारायण प्रसाद घिमिरेद्धारा जारी विज्ञप्ति मार्फत चेतावनी दिएको छ ।