प्रधानमन्त्रीले बोलाएको सर्वदलीय बैठकमा एमाले नजाने

काठमाडौँ- प्रधानमन्त्री शेरबहादुर देउवाले बोलाएको सर्वदलीय बैठकमा एमाले नजाने भएको छ । एमालले दलै एक शीर्ष नेताले नमानेको एकीकृत समाजवादी सहभागी हुने बैठकमा आफूहरु सहभागी नहुने बताएका छन् ।

विहीबार बिहान १० बजे संसदमा जारी अवरोध हटाउने लगायतका विषयमा छलफल गर्न प्रधानमन्त्री देउवाले सर्वदलीय बैठक आह्वान गरेका छन् ।

अहिलेको अवस्थामा बोलाइएको सर्वदलीय बैठकको कुनै अर्थ उनको भनाइ छ । यसअघि सभामुख अग्निप्रसाद सापकोटाले बोलाएको सर्वदलीय बैठक पनि एमालेले बहिस्कार गरेको थियो ।

यता एमाले पार्टी कार्यालय सचिव शेरबहादुर तामाङले भने सर्वदलीय बैठकमा सहभागी हुनका लागि औपचारिक निमन्त्रणा नै नआएको बताएका छन् ।

उनले भने, “हामी बैठकमा जाँदैनौं । औपचारिक निम्तो पनि छैन, सञ्चारमाध्यममा सुनेकै भरमा जाने कुरा हुँदैन।”