माधव नेपाल ३ दिनदेखि अस्वस्थ

काठमाडौँ- नेकपा एकीकृत समाजवादीका अध्यक्ष माधव कुमार नेपाल अस्वस्थ भएका छन् ।

नेपालको नीजि सचिवालयका अनुसार अध्यक्ष नेपाललाई रुघा, खोकी र ज्वरो आएको छ । कोरोनासँग मिल्दोजुल्दो लक्षण देखिएपनि पीसीआर परीक्षण गर्दा उनको रिपोर्ट नेगेटिभ आएको सचिवालयले जनाएको छ ।

सोमबार बेलुकाबाट अस्वस्थ भएपछि अध्यक्ष नेपाल आफ्नै घरमा आराम गरिरहेका छन् । अध्यक्ष नेपालको सचिवालयले भनेको छ “अवस्था सामान्य हो । घरमै आराम गरिरहनुभएको छ । सोमबारको तुलनामा स्वास्थ्यमा सुधार भइरहेको छ। ”