एमाले केन्द्रीय समिति बैठक आज

काठमाडौँ- आज नेकपा एमालेको केन्द्रीय समिति बैठक बस्दै छ । बैठकले स्थायी समिति बैठकको निर्णयलाई अनुमोदन गर्ने जनाइएको छ ।

एमाले कार्यालय सचिब शेरवहादुर तामाङले बैठक मध्याह्न १२ बजेदेखि च्यासलस्थित तुलसीलाल अमात्य स्मृति भवनमा सुरु हुने जानकारी दिएका छन् ।

एमालेको संरचनालाई २०७५ जेठ २ को अवस्थामा फर्काएर क्रियाशील गराउने तथा १० बुँदे सहमति कार्यान्वयनबारे बैठकमा छलफल हुनेछ ।

आजको बैठकले मुख्य गरी १० बुँदे कार्यन्वयन प्रस्तावसम्बन्ध स्थायी कमिटीको निर्णय अनुमोदन गर्नेछ। साथै, बैठकले पार्टी सदस्यता वितरण र विधान महाधिवेशन तथा स्थानीय अधिवेशनबारे समेत निर्णय गर्नेछ ।

कार्यालय सचिव तामाङले आजको बैठकमा पार्टी विभाजनको पक्षमा उभिएका केन्द्रीय सदस्यलाई कारबाही प्रक्रिया अगाडि बढाउने विषयमा समेत छलफल हुने अजेन्डा तय भएको बताए ।