राप्रपा केन्द्रीय कार्यसम्पादन समितिको बैठक आजदेखि सुरु हुने

काठमाडौँ- आज राष्ट्रिय प्रजातन्त्र पार्टी राप्रपाको केन्द्रीय कार्यसम्पादन समितिको बैठक सुरु हुँदैछ ।

नेता मोहन श्रेष्ठले राजधानीको एक पार्टी प्यालेसमा दिउँसो तीन बजे सुरु हुने बैठकमा पार्टी महाधिवेशन र समसामयिक बिषयमा छलफल हुने जानकारी दिएका छन् ।

बैठकमा अध्यक्ष कमल थापाको संयोजकत्वमा रहेको समितिले तयार पारेको स्थानीय तहको निर्वाचन सम्बन्धी प्रतिवेदन छलफलका लागि प्रस्तुत गरिनेछ । उक्त प्रतिवदेनमाथि आजैदेखि छलफल सुरु हुने नेता श्रेष्ठले जानकारी दिएका छन् । राप्रपाले आगामी कार्तिक २७ देखि ३० गतेसम्म पार्टीको महाधिवेशन गर्ने तय गरेको छ ।