कांग्रेसका भातृ संस्थाको म्याद फेरि थपियो

काठमाडौँ- भातृ संस्थाकोे म्याद नेपाली कांग्रेसले छ महिना थप्ने निर्णय गरेको छ । कांग्रेसले समयमा महाधिवेशन गर्न नसकेका विभिन्न भातृ संघसंस्थाकाे म्याद छ महिना थप्ने निर्णय गरेको हो ।

नेपाल विद्यार्थी संघ, नेपाल तरुण दल, नेपाल प्रजातन्त्र सेनानी संघ, नेपाल किसान संघ, नेपाल दलित संघ, नेपाल आदिवासी जनजाति संघ, राष्ट्रिय लोकतान्त्रिक अपांग संघ, नेपाल तामाङ संघ र नेपाल ठाकुर समाजको पदावधि समाप्त भएको मितिले ६ महिना थप गर्ने निर्णय पार्टीले गरेको हो ।

यस्ता भातृ संस्थाको म्याद पार्टी विधानविपरीत ६÷६ महिना गरी तीन पटक थपिइसकेको छ।

पार्टी विधानमा महाधिवेशन गर्न नसक्ने भातृ संस्थाको म्याद एक पटकका लागि मात्रै छ महिना थप्न सकिने व्यवस्था छ ।