बूढानीलकण्ठमा बस्दै कांग्रेस पदाधिकारी बैठक

काठमाडौँ- आज बुधबार नेपाली कांग्रेसको पदाधिकारीे बैठक बस्दै छ । सभापति शेरबहादुर देउवा निवास बूढानीलकण्ठमा दिउँसो ३ बजे बस्ने बैठक महाधिवेशनको विषयमा केन्द्रित रहनेछ ।

क्रियाशील सदस्यता विवादका विषयमा आजको बैठकमा छलफल हुने जनाइएको छ ।

यसअघि क्रियाशील सदस्यता छानविन समितिले केही जिल्लाको सदस्यता विवाद समाधान गर्ने जिम्मा शीर्षतहलाई दिँदै प्रतिवेदन बुझाएको थियो । पार्टीको महाधिवेशन नजिकिए पनि सदस्यता विवाद समाधान हुन सकेको छैन ।

यसैबीच, वरिष्ठ नेता रामचन्द्र पौडेल समूहले विवादका बीच थपिएको क्रियाशील सदस्यसंख्या स्वीकार गर्न नसकिने बताएको छ ।