देउवालाई मत दिने २२ सांसदलाई कारबाही प्रस्ताव

काठमाडौँ- नेकपा एमालेले प्रधानमन्त्री शेरबहादुर देउवालाई विश्वासको मत दिने आफ्ना २२ जना सांसदलाई कारबाही गर्ने तयारीसहित २४ घण्टे स्पष्टीकरण सोध्ने भएको छ ।

अध्यक्ष केपी शर्मा ओलीले सोमबार बसेको केन्द्रीय कमिटी बैठकमा यस्तो प्रस्ताव गरेका हुन् ।

बैठकमा सहभागी केन्द्रीय सदस्यहरुले भने अब स्पष्टीकरणको अर्थ नभएकाले सिधै कारबाहीको निर्णय गर्नुपर्ने माग गरेका छन् ।

एमालेले प्रधानमन्त्री देउवाको विपक्षमा मतदान गर्ने निर्णय गरे पनि एमालेका २२ जना सांसदले फ्लोर क्रस गरेर देउवालाई विश्वासको मत दिएका थिए ।