माधव समूहको केन्द्रीय कमिटी बैठकमा सहभागी नहुने निर्णय

काठमाडौँ- शुक्रबारको केन्द्रीय कमिटी बैठकमा सहभागी नहुने नेकपा एमालेका वरिष्ठ नेता माधव नेपाल समूहले निर्णय गरेको छ ।

बिहीबार बुद्धनगरमा बसेको नेपाल पक्षीय स्थायी कमिटी बैठकले केन्द्रीय समिति बैठकमा सहभागी नहुने निर्णय गरेको हो । नेता याेगेश भट्टराईका अनुसार शुक्रबार बोलाइएको केन्द्रीय समिति बैठकमा यथास्थितिमा नजाने सर्वसम्मत निर्णय गरेकाे हो । पार्टी एकताका लागि बैठकले आह्वान समेत गरेको छ ।

एमाले अध्यक्ष केपी शर्मा ओलीले १० औं महाधिवेशन आयोजक कमिटी भंग भरी केन्द्रीय समिति ब्यूँताएका थिए । जसमा पूर्व माओवादीका २० जनालाई केन्द्रीय सदस्य बनाइएको छ । त्यसमा नेपाल पक्षको आपत्ति रहेको छ ।

माधव समूहले प्याकेजमा सहमति गरिनुपर्ने बताउँदै आएको छ । विहान ११ बजेबाट बसेकाे बैठक ६ बजे सकिएकाे थियाे ।