लुम्बिनी, कर्णाली र सुदूरपश्चिम प्रदेशका नेता तथा केन्द्रीय सदस्यसँग छलफल गर्दै सभापति देउवा

काठमाडौँ- नेपाली कांग्रेसका सभापति शेरबहादुर देउवाले महाधिवेशनको तयारकिा लागि भन्दै आफू निकटका प्रदेशका नेताहरूसँग छलफल तीव्र पारेका छन् ।

देउवाले आज यसअघि विभिन्न प्रदेशका नेता तथा केन्द्रीय सदस्यसँग भेटघाट गरेका लुम्बिनी, कर्णाली र सुदूरपश्चिम प्रदेशका आफू निकट केन्द्रीय सदस्यसँग भेटघाट गर्दै छन् ।

सभापति देउवाले केन्द्रीय सदस्यहरूसँग छलफल गर्ने क्रममा तीनै प्रदेशका नेताहरुलाई सोमबार दिउँसो ९बजे बोलाएको एक नेताले बताएका छन् ।

१४औं महाधिवेशनमा सभापतिमा दोहोरिन खोजेका देउवाले आफूपक्षीय नेताहरूसँग छलफल तीब्र पारेका छन् । सातै प्रदेशका केन्द्रीय नेताहरूलाई बोलाउने क्रममा उनले यसअघि अन्य प्रदेशका नेताहरुसँग भेटघाट गरिसकेका छन् । देउवाले शनिबारदेखि आफूपक्षीय केन्द्री सदस्यहरूसँग छलफल थालेका हुन् ।

शनिबार प्रदेश १ र २ को नेताहरुसँग छलफल गरेका देउवाले सभापतिमा उठ्ने तयारीमा स्वरुप भन्दै आइतबार बिहान बागमती प्रदेशका र दिउँसो गण्डकी प्रदेशका नेताहरूसँग छलफल गरेका थिए ।