राष्ट्रपति र प्रधानमन्त्रीबीच साढे २ घण्टा वार्ता

काठमाडौँ- गएराति प्रधानमन्त्री केपी शर्मा ओली र राष्ट्रपति विद्यादेवी भण्डारीबीच भेटवार्ता भएको छ ।

उनीहरुबीच करिब साढे २ घण्टा वार्ता भएको थियो । साढे सात बजेतिर शीतलनिवास प्रवेश गरेका प्रधानमन्त्री ओली करिब १० बजे बाहिरिएका थिए ।

प्रधानमन्त्री ओली सर्वोच्च अदालतले लिखित आदेश माग गरेलगत्तै राष्ट्रपति भण्डारी भेट्न शितल निवास पुगेका हुन् ।

सर्वोच्चले संसद विघटन गर्नु पर्नाका कारणसहित ७ दिनभित्र लिखित जवाफ पेश गर्न आदेश दिएको छ । अदालतलाई दिने जवाफ लगायतका सम्बन्धमा ओली र राष्ट्रपति भण्डारीबीच छलफल भएको बताइएको छ ।

यसबाहेक गण्डकी प्रदेशको विवाद पेचिलो बन्दै जाँदा मुख्यमन्त्री पृथ्वीसुब्बा गुरुङ प्रदेशसभा नै भंग गर्ने मनस्थितिमा पुगेका छन् ।

यसका सम्बन्धमा पनि प्रधानमन्त्री र राष्ट्रपतिबीच छलफल भएको बताइएको छ ।