ओलीको अभिव्यक्ति भ्रामक र षड्यन्त्रपूर्ण : प्रचण्ड

काठमाडौं- आफ्नो कारणले नेकपा एकता असफल भएको भन्ने प्रधानमन्त्री केपी शर्मा ओलीको अभिव्यक्ति झुट, भ्रामक र षड्यन्त्रपूर्ण रहेको नेकपा माओवादी (केन्द्र) का अध्यक्ष पुष्पकमल दाहाल प्रचण्डले बताएका छन् ।

प्रचण्डले सामाजिक सञ्जालबाट प्रष्टिकरण दिँदै ओलीको अभिव्यक्तिको निन्दा र भर्त्सना गरेका छन् ।

उनले लेखेका छन्, “प्रधानमन्त्री केपी शर्मा ओलीले प्रचण्डको कारण एकताको प्रयास सफल नभएको भन्ने भनाइ झुठ, भ्रामक र षड्यन्त्रपूर्ण छ । त्यस प्रकारको अभिव्यक्तिको घोर निन्दा र भर्त्सना गर्दछु ।”