बुढा बाघहरू हातमा मन्त्रीपदको बाला लिएर लोभी बटुवाको शिकार गर्दै छन् : अध्यक्ष भट्टराई

काठमाडौं- ओली सरकारको सिको गर्दै प्रदेशका मुख्यमन्त्रीले पनि गर्न थालेको जनता समाजवादी पार्टीका संघीय परिषद् अध्यक्ष तथा पूर्वप्रधानमन्त्री बाबुराम भट्टराईले बताए ।

उनले सामाजिक सञ्जालमार्फत केन्द्रमा नेकपा एमालेका अध्यक्ष तथा प्रधानमन्त्री केपी शर्मा ओलीले मन्त्री पद दिएर अन्य दलका नेता फकाएजस्तै प्रदेशमा पनि पदको लोभ देखाउँदै आफ्ना नेतालाई फकाउन लागिपरेको बताएका छन् ।

उनले लेखेका छन्, “संघ मालिकको सिको गर्दै प्रदेशमा ओलीभक्त बुढा बाघहरू हातमा मन्त्रीपदको बाला लिएर लोभी बटुवाको शिकार गर्न उद्यत भैरहेछन् । खबरदार, नझुक्किऊँ! भोक लाग्यो भन्दैमा अखाद्य वस्तु खान हुन्न! विष गुलियोमा मिसाएरै ख्वाइन्छ!”