हात मिलाएर आ–आफ्नो बाटो लागौं : अध्यक्ष भट्टराई

काठमाडौं- सहमति मै पार्टी अलग गर्नुपर्ने जनता समाजवादी पार्टी (जसपा)का संघीय परिषद् अध्यक्ष डाक्टर बाबुराम भट्टराईले बताएका छन् ।

सामाजिक सञ्जालमा उनलेलेखेका छन्, “हात मिलाएर आ–आफ्नो बाटो लागौं । हिडिरहे फेरि भेट हुनेछ।”

अहिले जसपामा अध्यक्षद्वय महन्थ ठाकुर र उपेन्द्र यादबबीच एकले अर्काका २४ घण्टे स्पष्टीकरण सोधेका कारण विवाद चुलिएको छ।२४ घण्टे स्पष्टीकरणको जवाफ नदिने अध्यक्ष ठाकुरले यादवलाई बताइसकेका छन् । यस्तै यादवले पनि स्पष्टीकरण कुनै औचित्य नभएको बताएका छन्। उनीहरुले आफ्ना सदस्य तथा सांसदलाई आफ्नो पक्षमा पार्ने कोसिस गरिरहेका छन्।

यस्तो बेला डा भट्टराईले तानातान अन्त्य गर्नुपर्ने बताएका छन् । उनले भने, “मान्छे तानातान र किनबेचको तमासा नगरौं। भेडा भेडासँग र बाख्रा बाख्रासँग हुन दिऊॅ।”