ओलीले बोलाए एमाले स्थायी कमिटी बैठक, नेपाल पक्षका थप १२ जना सांसद कारबाहीमा पर्न सक्ने

काठमाडौँ- आइतबार दिउँसो नेकपा एमालेका अध्यक्ष एवं प्रधानमन्त्री केपी शर्मा ओलीले आफ्नाे पार्टीको स्थायी कमिटी बैठक बोलाएका छन् ।

पार्टी कार्यालय सचिव शेरबहादुर तामाङले ओलीले साँझ ५ बजे आफ्नो सरकारी निवास बालुवाटारमा एमाले स्थायी कमिटी बैठक बोलाएको जानकारी दिएका छन् ।

आइतबारको बैठकबाट पछिल्लो पटक ओलीले स्पष्टीकरण सोधेका माधवकुमार नेपाल पक्षका थप १२ जना सांसदहरुलाई कारबाही गर्ने अनुमान गरिएको छ ।

यही जेठ १२ गते ओलीले यी सांसदहरुलाई स्पष्टीकरण पत्र पठाएका थिए ।

ओली पक्षको स्थायी कमिटी बैठकले यही जेठ ८ गते नेता नेपालसहित ११ जनालाई पार्टीको साधारण सदस्यता समेत नरहनेगरी पार्टीबाट निकालेको थियो ।