निर्धारित समयमा स्वच्छ, निष्पक्ष, शान्तिपूर्ण निर्वाचन हुन्छ, भ्रममा नपर्नू : प्रधानमन्त्री

काठमाडौं- सरकारले हरेक पाइलामा घेराबन्दी र विरोध मात्रै सामना गरिरनुपरेको प्रधानमन्त्री केपी शर्मा ओलीले बताएका छन् । त्यसले अमूल्य समयलाई अकमर्णयताबाट रोक्न ताजा जनादेश माग्नु एक मात्रै विकल्प भएको पनि ओलीले बताएका छन् ।

निर्वाचन तोकिएकै समयमा हुने जिकिर पनि ओलीले गरे । उनले निर्वाचन समयमा नै नहुने भन्ने भ्रममा नपर्न पनि आग्रह गरे ।

उनले भने, “सरकार निर्धारित समयमा नै स्वच्छ, निष्पक्ष, शान्तिपूर्ण वातावरणमा निर्वाचन सम्पन्न गर्न प्रतिवद्ध छ।”

सरकारले संसद विघटन गरेर कार्तिक २६ र मंसिर ३ गते घोषणा गरेको छ ।