राष्ट्रपति र प्रधानमन्त्रीका गतिविधिका कारण गणतन्त्र, संविधान र संघीयता खतरामा : नेता कोइराला

काठमाडौँ- पछिल्ला दिनहरूमा राष्ट्रपति र प्रधानमन्त्रीका गतिविधि र क्रियाकलापले गणतन्त्र, संविधान र संघीयता खतरामा परेको नेपाली कांग्रेसका नेता डा. शेखर कोइरालाले बताएका छन् ।

कोइरालाले शनिवार चौधौं गणतन्त्र दिवसको अवसरमा शुभकामना सन्देश जारी गर्दै नेता यसको रक्षार्थ उभिनका लागि सबैमा आग्रह गरेका छन् ।

उनले भने, “पछिल्ला दिनहरुमा राष्ट्रपति र प्रधानमन्त्रीका गतिविधि र क्रियाकलापले गणतन्त्र, संविधान र संघीयता खतरामा परेको छ। यसको रक्षार्थ उभिनका लागि नेपाली जनता, प्रजातान्त्रिक शक्ति, बुद्धिजीवी र नागरिक समाजलाई आग्रह गर्दछु।”