सभामुख सापकोटा पूर्व सभामुखहरूसँगको छलफलमा, सुवास नेम्वाङ भने अनुपस्थित

काठमाण्डाै- पूर्व–सभामुखहरूसँग सभामुख अग्निप्रसाद सापकोटाले छलफल गरिरहेका छन् ।

पछिल्लो राजनीतिक अवस्थाको विषयमा परामर्श लिनका लागि सापकोटाले प्रतिनिधि सभा (संसद्) भवन नयाँ बानेश्वरमा पूर्व–सभामुखहरूसँग छलफल गरिरहेको सचिवालयले जनाएको छ ।

प्रतिनिधि सभा विघटन भएको अवस्थामा सभामुखका केही विशेषाधिकार प्रयोग हुन सक्ने अनुमान भइरहेका बेला उनले पूर्व–सभामुखहरूसँग छलफल गर्नुलाई महत्त्वका साथ हेरिएको छ । छलफलमा पूर्व–सभामुखहरू रामचन्द्र पौडेल, कृष्णबहादुर महरा, ओनसरी घर्ती भौतिक रूपमै उपस्थित भएका छन् ।

सुवासचन्द्र नेम्वाङ भने उपस्थित भएका छैनन् ।