राष्ट्रपति र प्रधानमन्त्रीलाई गोबर उपहार

काठमाडौं- नेविसंघका नेता प्रतिनिधि सभा विघटनविरुद्ध प्रदर्शन गर्ने क्रममा बानेश्वरबाट पक्राउ परेका छन्। नेविसंघ पूर्वकेन्द्रीय सदस्य नवराज त्रिपाठीलगायत विद्यार्थीहरु पक्राउ परेका हुन् ।

राष्ट्रपति विद्यादेवी भण्डारी तथा केपी शर्मा ओलीलाई गोबर उपहार पठाउने भन्दै उनीहरुले प्रदर्शन गरेका थिए । प्रतिनिधि सभा विघटनविरुद्ध सडकमा उत्रन निर्देशन नेविसंघ अध्यक्ष राजीव ढुंगानाले दिएका थिए। त्यसपछि नेविसंघले राँके जुलुस निकाल्नुका साथै पुत्ला दहनसमेत गरेको छ ।

प्रदर्शनमा पक्राउ परेका विद्यार्थीलाई तत्काल रिहाई गर्नुपर्ने नेविसंघका महामन्त्रीद्वय दीपक भट्टराई र बलदेव तिमल्सिनाले माग गरेका छन् ।