प्रधानमन्त्री ओलीलाई सत्ताबाट हटाउन विपक्षी गठबन्धनलाई नेपाल–खनाल समूहको साथ 

काठमाडौं- नेकपा (एमाले) माधवकुमार नेपाल र झलनाथ खनाल समूहका २७ सांसदले नयाँ सरकार गठनका लागि बनेको विपक्षी गठबन्धनमा सत्तारुढ हस्ताक्षर गरेका छन् ।

पार्टी अध्यक्ष एवम् प्रधानमन्त्री ओलीलाई सत्ताबाट हटाउन विपक्षी गठबन्धनलाई नेपाल–खनाल समूहले साथ दिएको हो ।

कांग्रेस नेता गगन थापाले विपक्षी गठबन्धनको तर्फबाट कांग्रेस सभापति शेरबहादुर देउवालाई प्रधानमन्त्री बनाउने नेपाल खनाल समूहका २७ सांसदको हस्ताक्षर आएको जानकारी दिए।

विपक्षी गठबन्धन १५० सांसदको हस्ताक्षरसहित कांग्रेस सभापति देउवालाई प्रधानमन्त्री नियुक्तिको दाबी गर्न शीतल निवास पुगेको छ।