विकल्प धेरै छन्, एकछिनपछि टुंगोमा पुग्छौं : प्रचण्ड

काठमाडौं- आफूहरुसँग धेरै विकल्पहरु भएको नेकपा माओवादी केन्द्रका अध्यक्ष पुष्पकमल दाहाल प्रचण्डले बताएका छन्।

उनले शुक्रबार कांग्रेस सभापति शेरबहादुर देउवाको निवासमा आयोजित विपक्षी दलहरुको बैठकबाट बाहिरिने क्रममा एकछिनपछि टुंगोमा पुग्ने बताएका हुन्।

छलफल जारी रहेको र निर्णय नभएको जानकारी प्रचण्डले दिए । उनले भने, “धेरै विकल्पहरु छन्। ती विकल्पहरुमाथि छलफल भइरहेको छ। सायद एकछिनपछि हामी एउटा टुंगोमा पुग्छौं भन्ने लागेको । ”

राष्ट्रपतिले बिहीबार साँझ २१ घण्टाको समयसीमा दिएर नयाँ सरकार गठनको लागि आह्वान गरेपछि विपक्षी दलका नेताहरुले छलफल गरेका हुन्।