एमालेको स्थायी कमिटी बैठक जारी

काठमाडौं- बालुवाटारमा नेकपा (एमाले)को स्थायी कमिटीको बैठक सुरु भएको छ । संसदीय दलका उपनेता सुवास नेम्वाङले समसामयिक परिस्थितिबारे छलफल गर्न अहिले बिहान ९ बजे स्थायी कमिटी बैठक बोलाइएको जानकारी दिए ।

उनले भने , “स्थायी कमिटीको बैठक ९ बजेबाट सुरु भएको छ। ”

संसद्मा विश्वासको मत गुमाएपछि आह्वान भएको गठबन्धन सरकार निर्माणको समयसीमा आज सकिँदै छ । उता, एमालेका असन्तुष्ट समूह खनाल–नेपाल पक्षले आजै राजीनामा बुझाउने तयारी पनि गरेको छ । यद्यपि, राजीनामा दिने कि नदिने भन्नेमा उनीहरूभित्र मत बाझिएको छ ।