जसपाले राष्ट्रपतिलाई गरायो जानकारी : गठबन्धन सरकारमा जाँदैनौँ

काठमाडौं- जनता समाजवादी पार्टी (जसपा) ले सो पार्टी गठबन्धन सरकारमा सहभागी नहुने जनाएको छ ।

जसपाका प्रथम अध्यक्ष महन्थ ठाकुर र वरिष्ठ नेता राजेन्द्र महतोले बुधबार राष्ट्रपति विद्यादेवी भण्डारीलाई भेटी जसपा नयाँ बन्न लागेको गठबन्धन सरकारमा सामेल नहुने स्पष्ट पार्नुभएको छ ।

पार्टीका अर्का अध्यक्ष उपेन्द्र यादव गठबन्धनमा सहभागी हुने कुरा मिथ्या भएको भन्दै ठाकुर र महतोले त्यसमा पार्टीको समर्थन नरहेको बताउनुुभएको छ । शितल निवासमा राष्ट्रपति भण्डारीलाई पत्र बुझाएर गठबन्धनको सरकारमा नजाने जसपाले स्पष्ट पारेको हो ।

राष्ट्रपतिले संयुक्त सरकार बनाउन आह्वान गर्नुभए पछि नेपाली कांग्रेसले आफ्नो नेतृत्वमा सरकार बनाउन कसरत तिब्र पारेको छ । तीन दिनको समय सिमा भोलि राति नौ बजे सकिँदै छ ।