४ बजे मन्त्रिपरिषद् बैठक बस्दै

काठमाडौं- प्रधानमन्त्री केपी शर्मा ओलीले मन्त्रिपरिषद्को बैठक बोलाएका छन् ।

सञ्चारमन्त्री एवं सरकारका प्रवक्ता पार्वत गुरुङका अनुसार आज दिउँसो ४ बजेका लागि बैठक डाकिएको हो । बैठकमा कोरोना महामारी रोकथाम तथा उपचारका विषयमा छलफल हुने बताइएको छ ।

सञ्चारमन्त्री गुरुङले शुक्रवार सीसीएमसीले गरेको सिफारिसबारे पनि बैठकमा छलफल हुने जनाए । उक्त सिफारिस मन्त्रिपरिषद्को बैठकबाट पारित गर्नुपर्ने हुन्छ।

मन्त्रिपरिषद्को नियमित बैठक सोमवार बस्ने भए पनि यसपटक आइतवार बोलाइएको हो । मन्त्री गुरुङलेआजको बैठक पनि नियमित नै भएको बताए ।