साझा र विवकेशील एकिकरण प्रक्रिया धरापमा

काठमाडौं–रविन्द्र मिश्र नेतृत्वको साझा पार्टी र मिलन पाण्डेयले मुल नेतृत्व सम्हालेका विकेकशील दल विचको एकता धरापमा परेको बताइएको छ।

गठन हुने नयाँ पार्टीको संयोजकमा आ आफ्नो समूहको दाबी रहेपछि एकता प्रक्रिया अघि बढ्न नसकेको बताइएको छ।

विवेकशील दलले मिश्रलाई पार्टीको संयोजक स्विकार्न तयार नभएको बताइएको छ। विवेकशील दलकी नेतृ रञ्जु दर्शनालाई संयोजक बनाउनुपर्ने उक्त पार्टीको प्रस्तावलाई भने साझा पार्टीले ठाडै अस्विकार गरेको थियो। दर्शनालाई संयोजकमा विवेकशील दलले अघि सारेपछि साझा पार्टीले एकिकरणबाट हात झिकेको बताइएको छ।

पार्टी एकतामा समस्या उत्पन्न हुनुमा दुई दिन अघि साझाले सार्वजनिक गरेको राजनीतिक प्रतिवेदन समेत भएको बताइएको छ।

यसैविच, विवेकशील दलको जनकपुरमा भएको महाधिवेशनमा आर्थिक घोटाला गरेको आरोप लागेका निर्देश सिलवाल पार्टी एकिकरणको पक्षमा रहेको बताइएको छ।

पार्टीको न्याय तथा सुशासन समितिमा उनी विरुद्ध अनलाईन भोटिङमा अनियमिता गरेर आर्थिक हिनामिना गरेको उजुरी परेको बताइएको छ। साझासँग एकता गर्ने पक्षमा रहेका उनी वार्ता संयोजक पनि रहेका छन्।

विवेकशीलबाट महासचिव सिलवाल र साझाका संगठन विभाग प्रमुख केशव दाहालको नेतृत्वमा संवाद समिति गत महिना बनाइएको थियो।

दुई पार्टी एकिकरण हुने निर्णयसँगै साझाका तत्कालीन नेताद्धय सुरेशराज आचार्य र मुमाराम खनालले पार्टी परित्याग गरेका थिए।
दशैं अघि नै दुई दलविच एकता हुने बताइएको थियो।