विप्लव नेतृत्वका नेताहरू जसपा प्रवेश

जनकपुर – नेत्रविक्रम चन्द विप्लव नेतृत्वको नेपाल कम्युनिस्ट पार्टीका मध्य केन्द्रीय कमाण्डका तत्कालीन सैन्य कमान्डर जीवन लामा जिमीसहित केही जिल्लाका नेताहरू जनता समाजवादी पार्टी प्रवेश गरेका छन्।

जिमीसहित नेतालाई आइतबार जसपाका अध्यक्षद्वय महन्थ ठाकुर र उपेन्द्र यादवले स्वागत गरेका हुन्।

विप्लव नेतृत्वको नेकपाका ब्युरो सदस्यहरू प्रल्हाद फुयाल जीवन, रौतहट जिल्ला पूर्वसेक्रेटरी गोपाल जिम्वालगायत ललितपुर, काभ्रे, चितवन, रौतहट, बारा, पर्सा, काठमाडौं, दोलखा, धादिङ, नुवाकोट र सिन्धुलीसहित ८८ जना नेता समाजवादी प्रवेश गरेको अध्यक्षद्वयले निकालेको प्रेस विज्ञप्तिमा उल्लेख छ।