समाजवादी पार्टीले सरिता गिरीलाई सांसद र पार्टी दुबै पदबाट हटाउने

काठमाडौँ  – नक्सासम्बन्धी संविधान संशोधन प्रस्तावको विरुद्धमा उभिएकी सरिता गिरीलाई समाजवादी पार्टीले पार्टी र सांसद दुबै पदबाट हटाउने भएको छ । पार्टीको ह्विप उल्लंघन गरेका कारण गिरीलाई हटाउन लागिएको समाजवादी पार्टीका एक नेताले बताए ।

पार्टी नेताहरु उपेन्द्र यादव बिराटनगरमा र डा. बाबुराम भट्टराई गोरखामा भएकाले दुवै नेता काठमाडौं फर्कनासाथ पार्टीको साधारण सदस्यबाट समेत हटाइने र सांसद पद स्वतः निलम्वनको जानकरी संसदलाई गराइने बताएको छ ।

संविधानको धारा ८९ को (ङ) मा जुन दलको उम्मेदवार भई प्रतिनिधिसभा सदस्य बनेको हो, त्यस्तो दलले दल त्याग गरेको कुरा सूचित गरेमा सांसद पद निलम्वन हुने प्रावधान छ ।

समाजवादी पार्टीकी नेतृ गिरी खस आर्यको कोटाबाट समानुपातिकतर्फकी सांसद हुन् ।