तरुण दल नेताको अश्लील हर्कत

नेपालगंज – नेपाली समाजमा घटेका घटनाहरुले भर्चुवल दुनियाँमा तरंग ल्याउने गरेको छ । नेपालले लिम्पीयाधुरा,कालापानी र लिपुलेकसहितको नक्शा जारि गरेपछि भएका अनेक पक्षीय बहसहरु अझै सकिएका छैनन्। यसै बिषयलाई लिएर ऐतिहासिक, बौद्धिक तर्क त हुने भएकै छन्। यसै मेसोमा नायिका वर्षा राउतले आफ्नो भनाइ सार्बजनिक गरिन।

नायिका राउतको भनाइप्रति धेरैले असहमति जनाए। उनले माफी पनि मागिन। नायिका राउत बिचारलाई शिष्ट र तार्किक ढंगले असहमति जनाउने सचेत बर्ग पनि छन्। नायिका राउतको भनाइलाई लिएर तरुण दलका कार्यकर्ता तथा आफुलाई सामाजिक अभियन्ता ठान्ने संयोगजंग शाहले भने अश्लील हर्कत गरेका छन्।

शाहले आफ्नो फेसबुक स्तटास कम्मेन्ट र रिप्लाई दिन्दै इज़्ज़त लूटने,बलात्कार गर्ने , यस्तो गर्छु ,उस्तो गर्छु’ भनेर आफ्नो अश्लील हर्कत देखाएका हुन्।

शाहको प्रतिक्रिया पछि राजनीतिक, सामाजिक वृतमा उनको निन्दा शुरु भएको छ। चौतर्फी निन्दा भएपछि शाहले आफ्नो स्टाटस र कम्मेन्ट भने डिलिट गरेका छन्।

शाह तरुण दल लगायत मिस नेपालगंज र लिटिल मिस भेरीको संयोजक र इक्जिक्वटिव डायरेक्टर हुन् भने दुवै प्रोग्रामको संयोजक संस्था एक्स जेनरेशनको पनि अध्यक्ष।