प्रधानमन्त्रीले बोलाए ४:३० बजे सर्वदलीय बैठक

काठमाडौँ- प्रधानमन्त्री केपी शर्मा ओलीले दिउँसो ४:३० बजे सर्वदलीय बैठक बोलाएका छन् ।

नेपाली भूमि लिपुलेकमा भारतले बाटो बनाएको र कोरोना भाइरसको संक्रमण बढिरहेको विषयमा छलफल गर्न प्रधानमन्त्री ओलीले संसदमा प्रतिनिधित्व गर्ने दलका प्रमुख नेताहरूलाई बालुवाटार बोलाएका छन् ।

ओलीका राजनीतिक सल्लाहकार विष्णु रिमालले संसदमा प्रतिनिधित्व गर्ने सबै दलका प्रमुखहरू र पूर्वप्रधानमन्त्रीलाई आमन्त्रण गरिएको जानकारी दिएका छन् ।

गत कार्तिकमा पनि प्रधानमन्त्री ओलीले भारतले लिपुलेक समेत समेटेर नयाँ नक्सा जारी गरेपछि सर्वपक्षीय बैठक बोलाएका थिए ।