भारतीय दूतावास अगाडी पक्राउ परेका विद्यार्थीलाई छाडियो

काठमाडौं। काठमाडौँमा रहेको भारतीय दूतावास अगाडी पक्राउ परेका विद्यार्थीहरुलाई छाडिएको छ । भारतले नेपाली भूमि लिपुलेकमा सडक निर्माण गरेको विरोधमा काठमाडौंस्थित दूतावास अगाड प्रदर्शन गर्ने क्रममा पक्राउ परेका उनीहरुलाई शनिबार बेलुकीतिर छाडिएको हो ।

सत्तारूढ नेपाल कम्युनिष्ट पार्टी (नेकपा) निकट अनेरास्ववियुका कार्यकर्ताले भारतीय दूतावास अगाडी प्रदर्शन गरेका थिए । त्यसक्रममा केही विद्यार्थी पक्राउ परेका थिए भने माइतीघर मन्डलामा प्रदर्शनमा उत्रिएका विद्यार्थीहरुलाई पनि प्रहरीले समातेको थियो ।

उनीहरु सबैलाई नेपाल पुलिस क्लबमा राखिएकोमा साँझ छाडिएको हो ।