विश्व शान्तिका लागि बुद्धको उपदेश लोकप्रिय : प्रचण्ड

काठमाडौं : स्वदेश तथा विदेशमा रहेका नेपाली तथा विश्वभरका बौद्धमार्गीहरुलाई नेपाल कम्युनिष्ट पार्टी नेकपाका अध्यक्ष पुष्पकमल दाहाल ‘प्रचण्ड’ले बुद्ध जयन्ती तथा लुम्बिनी दिवसका अवसरमा शुभकामना व्यक्त गरेका छन्।

प्रचण्डले नेपालको भूमिमा जन्मेर मानव कल्याणका साथै विश्व शान्तिका लागि ठूलो योगदान दिएका गौतम बुद्धका उपदेश विश्व मै लोकप्रिय भएको शुभकामना सन्देश जारी गर्दै उल्लेख गरेका छन् ।

उनले बुद्धले विश्व मानवजातिका लागि सही ज्ञान हासिल गर्न भौतिकवादी ढंगले सत्यको तथ्यगत अन्वेषण गर्ने सूत्रहरु पहिल्याएको भन्दै प्रचण्डले हामी सबै नेपालीले गर्व गर्नुपर्ने समेत प्रचण्डको भनाइ छ।

त्यसैगरी आज नै परेको किराँत (राई, लिम्बू, सुनुवार र याक्खा) समुदायको उभौली पर्वको उपलक्ष्यमा स्वदेश तथा विदेशमा रहेका सम्पूर्ण किराँत समुदायमा सुख, शान्ति, समृद्धि र आपसी भाइचाराको कामना पनि गरेका छन्।