नेकपाले बामदेवलाई प्रतिनिधिसभामा लैजाने, स्थायी कमिटी बैठक २५ गते बस्ने

काठमाडौं-सत्तारुढ नेपाल कम्युनिष्ट पार्टी (नेकपा) को सचिवालय बैठकले स्थायी कमिटिी बैठक बोलाएको छ ।

स्थायी कमिटी बैठक वैशाख २५ गतेका लागि बोलाउने सचिवालय बैठकले निर्णय गरेको प्रवक्ता नारायणकाजी श्रेष्ठले बताए ।

यस्तै बैठकले उपाध्यक्ष बामदेव गौतमलाई उचित समयमा प्रतिनिधि सभामा लैजाने निर्णय गरेको छ।

आजको बैठकले पार्टीको आन्तरिक जीवनमा देखापरेको समस्या र संकटहरुलाई समाधान गर्नेगरी एकताबद्ध भएर पार्टी एकताको पक्षमा दृढ रहने संकल्प गरेको पनि प्रवक्ता श्रेष्ठले बताए।

बैठकले पार्टीको मार्गनिर्देशनमा सरकार सञ्चालन गर्ने निर्णय भएको प्रवक्ता श्रेष्ठले बताए । बैठकमा प्रधानमन्त्री एवं पार्टी अध्यक्ष केपी शर्मा ओलीले आत्मालोचना गरेका छन् ।