नेकपा सचिवालय बैठक बेलुकी ५ बजे बस्ने

काठमाडौं – सत्तारुढ नेपाल कम्युनिष्ट पार्टी (नेकपा) को सचिवालय बैठक बुधबार बेलुकी ५ बजे बस्ने भएको छ । हिजोका लागि बोलाईएको बैठक आज बेलुकी ५ बजेका लागि सारिएको नेकपाले जनाएको छ ।

अध्यक्ष एवं प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीच हिजो भेटवार्ता भएलगत्तै सचिवालय बैठक बस्ने भनिएको थियो ।

केही दिन यता नेकपाभित्र देखिएको आन्तरिक विवादका कारण नेकपामा सचिवालय र स्थायी कमिटी बैठक बोलाउन दबाब बढ्दै गएको छ ।
हिजो प्रधानमन्त्री एवं पार्टी अध्यक्ष ओली र वरिष्ठ नेता माधवकुमार नेपालपक्षबीच भएको छलफलमा आजका लागि सचिवालय बैठक बोलाउने तय भएको थियो ।

केहीदिनअघि नेकपाका २० स्थायी कमिटी सदस्यले लिखित रुपमा अध्यक्षद्वयलाई सामुहिक पत्र बुझाउँदै बैठकको माग गरेका थिए ।