सरकारी वकिलको कार्यालयमा नेकपा र जनता समाजवादीका कार्यकर्ताको जम्काभेट- एकअर्काविरुद्ध नाराबाजी

काठमाडौँ- सत्तारुढ नेपाल कम्युनिष्ट पार्टी र जनता समाजवादीका कार्यकर्ताबीच बबरमहलस्थित सरकारी वकिलको कार्यालयमा एकअर्काविरुद्धको उजुरी लिएर पुग्दा जम्काभेट भएको छ ।

नेकपाका कार्यकर्ताहरु डा। बाबुराम भट्टराईविरुद्ध साइबर क्राइमको उजुरीका लागि र आफ्ना सांसद डा। सुरेन्द्र यादवलाई अपहरण गरेको भन्दै नेकपा सांसद महेश बस्‍नेत, किसानसिंह श्रेष्ठ तथा पूर्वप्रहरी महानिरीक्षक सर्वेन्द्र खनालविरुद्ध उजुरी लिएर पुगेका जनता समाजवादीका नेता कार्यकर्ता जम्काभेट भएको हो । उक्त जम्काभेट्मा एकअर्काविरुद्ध नाराबाजी समेत भएको छ ।

दुवै पक्षको उजुरी लिन भने सरकारी वकिलको कार्यालयले अस्वीकार गरेको छ।

महानगरीय प्रहरी परिसर काठमाडौंले पनि दुवैले लिएर गएको जाहेरीलाई दर्ता गर्न अस्वीकार गरेको थियो।