राष्ट्रपति भण्डारी र चिनियाँ राष्ट्रपति सीबीच पछिल्लाे अवस्थाबारे छलफल

काठमाडौं – राष्ट्रपति विद्यादेवी भण्डारी र चिनियाँ राष्ट्रपति सी चिनफिङबीच टेलिफोन कुराकानी भएको छ ।
उनीहरुबीच पछिल्लो अवस्थाबारे र कोरोना भाइरस महामारीमा केन्द्रित रहेको जानकारी दिइएको छ।

चिनियाँ राष्ट्रपति सीले चीनले महामारीको नियन्त्रणमा कठिनाइको सामना गर्दा नेपाल र नेपाली जनताले देखाएको दृढ समर्थनबाट दुई देश र जनताबीचको गहिरो मित्रता झल्किएको बताएका थिए।

राष्ट्रपति सीले राष्ट्रपति भण्डारी र प्रधानमन्त्री ओलीको नेतृत्वमा नेपाल सरकार र जनताले चाँडोभन्दा चाँडो महामारीलाई जित्ने विश्वास पनि व्यक्त गरे।

वार्तामा राष्ट्रपति भण्डारीले राष्ट्रपति सीको बुद्धिमत्तापूर्ण नेतृत्वमा चिनियाँ सरकारले महामारीलाई सफलतापूर्वक नियन्त्रण गर्न निर्णायक र प्रभावकारी कदम चाल्नुका साथै विश्वव्यापी रूपमा महामारीविरूद्धको लडाइँ गर्न सक्रिय भूमिका खेलेको बताइन्।