सर्वेन्द्र खनाल र महेश बस्नेतविरुद्धको उजुरी प्रहरीले लिन मानेन

काठमाडौं – सांसद सुरेन्द्र यादवको अपहरण भएको भन्दै उजुरी दिन महानगरीय प्रहरी परिसर टेकु पुगेका जनता समाजवादी पार्टीका नेताहरुको उजुरी लिन प्रहरीले अस्वीकार गरेका छन् ।

उनीहरुले काठमाडौंमा मुद्दा दर्ता नहुने भन्दै प्रहरीले महोत्तरीमै जान शुझाव दिएका छन् । अहिले प्रहरी परिसर टेकुमा एसएसपी छैनन् भने एसपी र डीएसपीले जाहेरी लिन नमानेका जसपाका नेता बाबुराम भट्टराइले ट्वीटरमा भनेका छन् ।

यत्रो देशविदेश तरंगित गराइरहेको सांसद अपहरणसम्बन्धी मुद्दा पीडित ब्यक्तिले महानगरीय प्रहरी परिसर काठमाण्डौमा समयभित्र विधिसम्मत ढंगले जाहेरी दिन लाग्दा दर्ता गर्न इन्कार गरिन्छ भने ओलीतन्त्रमा कानूनको शासन कायम हुन्छ र नागरिकको जीवनरक्षा हुन्छ भनेर कसरी विश्वास गर्ने?#SaveDrYadav pic.twitter.com/vofzToFBPZ

— Baburam Bhattarai (@brb1954) April 26, 2020

प्रहरीले उजुरी लिन नमानेपछि जसपाका शीर्ष नेताहरु र प्रहरीबीच भनाभन समेत भएको छ । उजुरी दिन बाबुराम भट्टराई, उपेन्द्र यादव, राजेन्द्र महतो, अशोक राई, राजेन्द्र श्रेष्ठ लगायतका शीर्ष नेताहरु महानगरीय प्रहरी परिषर टेकु पुगेका थिए ।